Eit klimahistorisk oversyn

av Øyvind Nordli
(seniorforskar ved Meteorologisk institutt)

Ved hjelp av diagram og tekst viser eg her norsk klimahistorie sidan dei systematiske, meteorologiske mælingane tok til i Noreg på 1860-talet. Vi skal sjå på heile året så vel som dei fire årstidene. Kurvene vil bli oppdaterte så snart eit heilt år eller ei årstid er avslutta. Som årstider reknar eg Vinter: Desember – februar. Vår: Mars – mai. Sommar: Juni – august. Haust: September – november.

I alt brukar eg seks vêrstasjonar som skal dekkje heile landet. Det kan eg gjera fordi eg er interessert i klimavariasjonar, ikkje absolutte tal. Ein varm sommar på vêrstasjonen Utsira tyder også ein varm sommar på Sørlandet og Vestlandet, og når temperaturen på Utsira aukar nokre år, aukar han òg i Kristiansand og Ålesund over dei same åra. Dei andre vêrstasjonane som eg brukar er: Nesbyen som representerer Austlandet, Kjøremsgrende for Dovre og Trøndelag, Glomfjord for Nordland og Troms, Karasjok for Finnmark og Svalbard lufthamn for Spitsbergen.

I framstillinga brukar eg diagram. Ei forklaring på diagramma finn du her.

Her er eit kart over stasjonane. I tillegg kjem Svalbard lufthamn.

Publisert november 2004 - siste oppdatering (våren) juni 2007